%
001 天黑黑
    天黑黑欲下雨  阿公仔舉鋤頭欲掘芋  
    掘呀掘 掘呀掘 掘著一尾漩鰡鼓 
    伊呀嘿都真正趣味 
    阿公仔欲煮鹹 阿嬤欲煮淡  
    兩個相打弄破鼎 
    伊呀嘿都隆咚七咚槍 哇哈哈
%
002 賣肉粽
    自悲自嘆歹命人，父母本來真痛疼，
    使我讀書幾多冬，卒業頭路無半項，
    暫時來賣燒肉粽。燒肉粽，燒肉粽，賣燒肉粽。

    要做生意真困難，那無本錢做未動，
    不正行為是不通，所以暫時做這款，
    也著認真賣肉粽。燒肉粽，燒肉粽，賣燒肉粽。

    物件一日一日貴，厝內頭嘴這大堆，
    雙腳走到要鐵腿，遇著無銷真克虧，
    認真再賣燒肉粽。燒肉粽，燒肉粽，賣燒肉粽。

    要做大來不敢望，要做小來擱無空，
    更深風冷腳手凍，誰人知我的苦痛，
    環境逼我賣肉粽。燒肉粽，燒肉粽，賣燒肉粽。
%
003 丟丟銅仔
    火車行到伊都阿末伊都丟  唉唷磅空內 
    磅空的水伊都丟丟丟銅仔 
    伊都阿末伊都  丟仔伊都滴落來 
%
004 河邊春夢
    河邊春風寒，怎樣阮孤單，
    舉頭一的看，幸福人做伴，
    想起伊對我，實在是相瞞，
    到底是按怎，不知阮心肝。

    昔日在河邊，遊賞彼當時，
    實情甲實意，可比月當圓，
    想伊做一時，將阮來放離，
    乎我若想起，恨伊薄情意。

    四邊又寂靜，聽見鳥悲音，
    目周看橋頂，目屎滴胸前，
    自恨歹環境，自嘆這薄命，
    雖然春風冷，難得冷實情。